早前本港疫情看似有所紓緩，確診個案曾一度回落到單位數，當大家都以為疫情將會受控之際，結果就爆出健身室染疫群組。睇番上個月政府容許健身室重開嘅條件，雖訂明邊種情況下可以毋須戴口罩、小組訓練嘅人數上限以及每位參加者應該保持嘅距離，然而有否切實執行，外面嘅人難以得知，更遑論政府監察，既然無從判斷相關處所人士能否落實措施，出事只係遲早嘅問題。依家中招人數不斷擴大，有專家擔心第五波疫情由此引發，到底要點樣善後？食物及衞生局局長陳肇始好快啲諗掂佢呀！
