雖然政府一再引述專家嘅意見，話接種疫苗嘅效益大於風險，但事實係接種計劃開展以來，陸續出現涉及疫苗嘅事故。面對市民嘅質疑，食物及衞生局副局長徐德義只係話政府會根據現行嘅恒常機制，密切監察可能嘅異常事件，又指現時兩款疫苗都有品質保證咁話。政府官員與其耍官腔，點解唔暫停疫苗接種，等專家調查清楚先呢？依家接種計劃就算死撐落去，難道市民就會對疫苗有信心咩？大量接種名額無人問津，咁嘅場面咪仲難睇！
