政情：岑子杰還押缺席 區會座位放彩虹旗

對於岑子杰未能出席會議，沙田區議員趙柱幫尋日下午就喺Facebook發貼文同上載相片，話「今天是沙田區議會議員大合照。可惜少了一人！」又引用唐代詩人崔護嘅詩句「去年今日此門中，人面桃花相映紅。人面不知何處去，桃花依舊笑春風。」而喺相中就見到枱上除咗仍然擺放住岑嘅名牌外，更放有一面摺得好整齊嘅彩虹旗。

至於南區區議會方面，袁嘉蔚同彭卓棋就已分別向秘書處請假。其中彭早前獲准保釋，但因為律政司對此提出上訴，所以佢要等到本周六（13日）高院處理其保釋覆核後，先至知道能否保釋外出。