政情：公民講場：港府無視數據不足 長者淪疫苗白老鼠

儘管科興疫苗並未於國際醫學期刊刊登第3期臨床測試數據，而涉及60歲以上及長期病患者嘅資料亦較少；不過港府仍然喺上月尾開啟疫苗接種計劃，仲將60歲或以上長者列入優先接種群組！結果短短幾日就接二連三爆出致命事故，新冠疫苗臨床事件評估專家委員會共同召集人孔繁毅死撐話，展開接種計劃嘅日子太短，不宜將本地接種者死亡率，同科興藥廠嘅臨床測試數據做比較喎。但係放眼一海之隔嘅澳門，就列明年逾花甲嘅長者必須先經醫生評估至可以打疫苗針，相較之下港府嘅決定喺咪太過草率呢？還是明知藥廠嘅臨床測試數據不足，要搵本地嘅長者做「白老鼠」？