近日有行山客發現石澳郊野公園內突然多咗件騎呢雕塑，由於外形好似3隻手指，劣評如潮，更被嘲為「魔爪」，可能漁農自然護理署都收到風，仲急急拆咗落嚟添！其實漁護署都做過啲無厘頭嘢，幾年前竟然喺郊野公園啲石級鋪軟墊，話係為晨運客而設，畀網民譏諷話下次不如裝電梯。新一份預算案建議撥5億元改善郊野公園設施，漁護署署長梁肇輝真係要諗清楚乜嘢設施切合遊人用，而唔係將優化變醜化，同埋咪再做啲唔等使嘅嘢，浪費公帑嘞！
