今日係三八婦女節，好多人都會畀好多讚賞，例如撐起半邊天，實際上有民意調查結果顯示，喺疫下嘅婦女，甚至喺雙職嘅婦女壓力爆晒煲，事關好多人畀人打爛飯碗，頭家唔知點算，於是要求政府搞職業配對。但勞工及福利局局長羅致光有乜表示呢？話婦女得到社會肯定，仲晒政績咁講產假加咗四星期，又話有啲措施幫婦女減輕壓力同投入社會，但冇具體內容。老實講，羅致光實在太離地，唔單止唔知依家婦女需要啲乜嘢支援，反而喺度空口講白話，唔該佢做實事喇！
