近日接連發生，涉及接種疫苗嘅死亡個案，為咗挽回公眾對疫苗嘅信心，食物及衞生局局長陳肇始引述相關專家委員會嘅意見，指接種疫苗嘅益處多於風險，又話已設立新冠疫苗保障基金，如果市民接種疫苗後出現異常或無法預期嘅情況，可獲金錢賠償咁話。之不過，喺疫苗接種計劃推出之前，就科興疫苗嘅保護率同臨床數據，民間已經有質疑嘅聲音，依家出現致命事故，市民就梗係話怕怕啦，就算政府再三保證都冇用，畢竟生命冇Take 2呀！
