中環出更：出席人大 董建華又仆親
現年83歲嘅全國政協副主席、前特首董建華，繼20多年前喺台上跌個四腳朝天，尋日又再喺眾目睽睽之下，喺公開場合仆親。
97年「瞓身支持」選民登記
話說董出席全國人大會議開幕式，當儀式結束步出會場時，不慎喺台上跌倒，附近人士隨即上前幫忙，將佢扶起，董建華企番起身後可以自行離開，期間有多人上前慰問。
查實喺1997年12月6日，當時上任特首5個幾月嘅董建華，出席選民登記推廣活動授旗儀式期間，喺台上不慎踏空跌倒，要由其他嘉賓攙扶重新企番起身，當時活動嘅司儀打圓場咁形容，董係「瞓身支持」活動。
卓妮