政情：公民講場：開臨時工粉飾太平 許正宇救市作用近零

一個社會是否安居樂業，睇吓失業率就知。財經事務及庫務局局長許正宇尋日喺網誌度話，因應預算案建議增撥資源再創造數萬個不超過一年嘅有時限職位，佢哋會為呢兩年畢業嘅大學生加推新職位，而為咗支援今年年中所舉行嘅人口普查，政府統計處於上個月完成招聘幾千個臨時外勤工作人員職位，優先考慮失業人士咁話。不過呢啲臨時性工作，只係為失業人口提供短暫嘅「止痛藥」，若果就業市場持續萎縮，職位時限一過大家都會好頭痛。政府與其靠創造臨時職位嚟粉飾失業數字，不如諗吓點樣改善營商環境，刺激民間企業增聘人手仲好啦。