政情：玩防疫膠板扮探監 林偉文：冇含沙射影

指言者無心聽者有意

灣仔區議會撥款及常務委員會前日開會，建制派區議員林偉文利用休會時間，大玩「監獄風雲」。佢隔住防疫膠板，問兩名泛民區議員張嘉莉同李永財「點呀？呢排身體點啊？」張同李笑住答，林偉文對面嘅空位，即係另一建制派區議員謝偉俊唔喺度喎。之不過，林偉文再繼續講「諮詢吓律師意見，嗰單嘢搞成點先？」

林偉文回應查詢話，「言者無心、聽者有意」，一向都講緊啲膠板好似探監玻璃板，絕對冇含沙射影。不過若然大家咁「玻璃心」，就好難照顧咁多人嘅諗法喇！佢被狠批喺人哋傷口上灑鹽，有網民問「咁樣仲係咪人？」又話君子唔會乘人之危，有番少少人性都唔會咁做。而陪林一齊玩嘅張嘉莉同李永財，亦被批評當同伴受審時，仍嬉皮笑臉，行為令人作嘔。另一民主派區議員陳鈺琳就話真係笑唔出，仲嬲到喊添喎。