政情：陳沛然拍困𨋢片叫人戒煙

話說Pierre尋日喺社交平台上載咗段短片，見佢同一位後生仔同另一名女士一齊搭𨋢，點知突然一陣搖晃，3人被困𨋢內。後生仔急住出𨋢，仲跌咗啲嘢出嚟，Pierre隨刻呼籲後生仔放下屠刀，立地……，吓！亮刀乎？非也，佢係話「戒煙啦」。其實嗰包係煙嚟。

畫面一轉，Pierre搵咗香港吸煙與健康委員會主席湯修齊（Henry），討論全面禁制電子煙及加熱煙嘅煙草產品。Henry話加熱煙同電子煙仍然存有傳統香煙嘅有害成分，更可能含有更多致癌物質，仲有可能因為新型煙草冇乜難聞嘅氣味，而令人不知不覺間就接觸多咗二手煙同三手煙。

Pierre話發現好多社交平同商場都有售賣同宣傳新型煙草，年輕人好易就可以買到新型煙，情況令人擔心。Henry就話根據2019年政府嘅統計數字，當中小學生曾經使用電子煙嘅數字更去到百分之一點四，加上電子煙包裝精美，家長難以發現。Henry話相信兩個仔女冇接觸新型煙草，但身邊同學都有接觸過，情況令人擔心。