政情：公民講場：疫苗成效都未知 倉卒打針惹質疑

為咗遏止疫情，好多國家都以最短嘅時間去研發疫苗，然而保護性有幾高，以及副作用嘅問題，都有待進一步驗證。而其中科興疫苗嘅整體有效率遠低於其他藥廠，就連群體免疫嘅門檻都未達到，不但惹來坊間普遍質疑，連醫學界亦有聲音指出，若貿然進行大規模接種科興疫苗，公眾會對抗疫措施產生不當嘅安心同鬆懈，加上失去接種更有效疫苗嘅機會，社會或要付出好沉重嘅代價，疫苗顧問專家委員會召集人劉澤星同成員許樹昌等人，點解唔再等多一陣，有更適合嘅疫苗先至向政府推薦使用呢？倉卒決定嘅後果，可以好嚴重o架！