港珠澳大橋通車雖接近兩年，但工程超支部分仍然未「埋單」。立法會財務委員會尋日討論港珠澳大橋主橋嘅追加撥款，有議員質疑當局聲稱港珠澳主橋部分「封頂」，惟未有公開其餘項目，憂慮局方仍會就其餘超支費用再上財委會申請撥款，形容公帑好似畀人撳住嚟攞！運輸及房屋局局長陳帆雖然話，唔預期再有需要嚟議會尋求撥款，不過就始終都唔肯交代大橋所有工程嘅最終費用，隨後佢又揚言，指工程若再超支，一定會返嚟立法會同大家申請撥款喎！照咁講法，政府庫房豈不是變成提款機？
