中環出更：安心出行無大台 政府被轟用黑暴措詞

政府資訊科技總監辦公室尋日發稿，強調應用程式毋須用戶登記，係「無大台」。即時惹起網上熱議。雖則政府係講緊出行紀錄只會存放喺用戶手機，個人行蹤唔會外洩，絕對唔會構成私隱風險，但係「無大台」係喺反修例風波中嘅常用詞語，仲被網民恥笑政府沿用呢個詞語，反問官方新聞稿點可以用呢啲詞義不清嘅用語呢？

懶親民欠政治觸覺

議員陳恒鑌（Ben）直斥政府自以為親民，但沿用黑暴示威者嘅措詞簡直就有問題，甚至係長他人志氣，滅自己威風，反指冇理由幫黑暴宣傳o架，真係有欠政治觸覺同敏感度。Ben又話撇除政治角度睇件事，無啦啦用「無大台」形容應用程式都好難明，簡單直白咁同市民講唔會收集個人資料咪得囉！

卓妮