政府為截斷疫情傳播鏈，頻密地封區強檢，被外界炮轟擾民之餘，仲被揭發有啲三無大廈嘅天井堆滿垃圾，鼠患嚴重，有醫生尋日喺一個論壇中亦鬧爆政府封區，但環境污染唔處理，唔同時消毒嘅話，好容易散播病毒。話時話，民政事務局有責任去幫大廈搞業主立案法團或者業主會，再去做大廈管理，但偏偏仲有咁多三無大廈無王管，大廈衞生差兼且烏煙瘴氣，但民政局變相縱容播疫，局長徐英偉都甩唔到身呀！
