中環出更：全球首2 %科學家 教大校長張仁良上榜

今次嘅名單係由史丹福大學嘅研究團隊，依據學術文獻引用次數等指標，評估各領域嘅學者喺佢哋嘅學術生涯及年內嘅研究成果，從而列出全球首10萬位頂尖科學家、涵蓋22個學術領域同176個細項分類，代表佢哋嘅學術著作獲廣泛引用。

「樹博士」詹志勇亦列名單內

其中，張仁良獲列入「金融」研究學者嘅名單內，詹志勇亦喺全球首8,000幾名「城市及地區規劃」研究學者中位列16。至於成功利用廚餘研發環保魚糧嘅黃銘洪，更喺全球首6萬幾名「環境科學」研究學者中排名第6。

張仁良見到教大有呢個成績，話大學一直致力締造有利研究嘅學術氛圍，鼓勵學者透過研究及知識轉移回饋社會，仲話教大學者獲列入名單內，證明該校嘅研究實力咁話。

卓妮