中環出更：復星BioNTech 誤當兩款疫苗 郭偉强又爆笑料
議員郭偉强繼早前誤將英國報章《衞報》當為世界衞生組織旗下報章後，尋日佢喺立法會衞生事務委員會上討論疫苗注射，竟然話復星同BioNTech係兩款疫苗。委員會主席葛珮帆隨即糾正佢，話復星同BioNTech其實係同一款疫苗。
郭偉强當時詢問食物及衞生局局長陳肇始，國藥及科興疫苗剛提交報告比世衞，預計世衞下月先至會公布相關資料，而香港已批准認可嘅係復星同BioNTech呢兩款疫苗，優先群組係咪只能揀呢兩款，運用核酸技術嘅疫苗？如果佢哋想等滅活疫苗，譬如係科興或國藥疫苗嘅話，「佢哋又有冇權去選擇呢？」
葛珮帆即時糾正
葛珮帆喺局長回答前先糾正佢嘅說話，話「照我所知復星同BioNTech係同一款疫苗」，及後補充話由於復星BioNTech疫苗會先來港，優先群組可以打復星BioNTech疫苗，若佢哋唔想打，都可以等科興疫苗，因為打疫苗係自願性質。
卓妮