本港中、小學、幼稚園同埋補習學校因疫情而停課，雖然有機會喺農曆新年假期之後恢復半天面授課堂，之不過教育局就要求學校教職員需要每兩個星期做一次檢測，但學生就唔使，搞到教育界覺得大惑不解，甚至質疑有冇邏輯可言。其實學校唔止有老師，即使每位教師都做咗檢測，都唔代表學校唔會有播疫嘅風險，難怪有教育界人士形容做法係「幻影式安全」。到底教育局係基於乜嘢考慮而得出呢個決定呢？局長楊潤雄真係要解釋清楚喎！
