本港唔少舊樓喺興建時嘅消防標準無依家咁嚴格，所以好多本身都冇消防花灑系統，一旦遇上火警就真係非常危險。有團體尋日就踢爆，有大廈本身想喺天台加裝消防水箱，但就礙於僭建天台屋而未能成事。查實呢啲天台屋僭建情況非常明顯，負責僭建問題嘅屋宇署只要加緊巡查，必然可以發現多宗違例個案。如今令到唔少住客嘅生命都受到威脅，屋宇署署長余德祥真係難辭其咎！
