政情：公民講場：想驗污水冇儀器 搵到疫患就出奇

新冠肺炎確診數字破萬，最新仲用到封區嚟做強制檢測，畀市民鬧爆擾民。政府就話發現新增嘅確診同污水驗出病毒嘅大廈分布好脗合，雖則呢個方法可行，但竟然檢測儀器唔夠，環境局局長黃錦星就話已經增加訂購。話時話，政府抗疫無能，搞成咁都係因為班高官後知後覺，事關喺發現喉管播毒就會諗到污水問題，咁係咪應該早啲添購儀器去做大規模驗測，更早咁控制疫情，而唔係又慢幾拍先去補鑊。