港珠澳大橋通車以嚟，車輛流量都不似預期，疫情之下就更加慘淡，運輸及房屋局局長陳帆就死撐話，大型基礎建設落成初期，往往被人形容為「大白象」，但最終都會「逼爆」，又指藉住一小時生活圈嘅概念，假以時日大橋嘅人流物流都會增加喎。之不過等到嗰時，大橋都老化啦，到時政府又需唔需要用公帑嚟應付大橋嘅保養維修？況且大橋並非往來中港嘅唯一交通管道，而係有其他交通方式供市民選擇，陳帆係咪太過樂觀呢？
