中環出更：海上垃圾聆訊 立會拖至新春後
本港海上棄置廢物情況嚴重，審計署早前發表審計報告，揭露海事處未有核實垃圾收集量。立法會政府帳目委員會原本計劃本月至二月召開公開聆訊，要求相關官員解釋事件，但受疫情影響需要延遲，最新消息指，公開聆訊或定於農曆新年後。其實最近唔少會議都用Zoom代替，以免會議進程受影響，但據悉委員會就堅拒用Zoom開聆訊喎！
問題嚴重 帳委會拒用Zoom
據了解，委員會成員都唔建議用Zoom召開聆訊，指海上垃圾問題實在係太嚴重，若用Zoom進行，好多實質問題答唔到，為審慎起見，都係傾向召開實體會議，現場逐一解答問題。此外，有指除海上垃圾需要召開公開聆訊外，再有另一章節同樣需要召開聆訊，屆時或會同海上垃圾一同於農曆新年後進行。
審計署舊年11月發表報告，指海事處自2005年起將海上垃圾清理工作全面外判，但外判商接獲垃圾舉報之後敷衍清理，而處方從未有核實垃圾收集量是否準確，同一時間處理海上垃圾開支卻大增。
卓妮