政情：公民講場：「精準」抗疫 萬人確診 港府技窮 咪望清零

市民儘管已做好防疫措施，但仍有人喺源頭不明嘅情況下染疫，以致坊間有聲音質疑政府嘅抗疫政策。行政會議成員林正財就為政府辯護，指政府並非佛系抗疫，只係無採用封城咁極端嘅手法，而係以精準細微嘅策略對抗疫症。其實政府抗疫措施真係咁精準的話，就唔會有過萬人確診啦，不過林正財話抗疫戰目前只打到中場，相信無人有異議，因為政府連封區都做埋，依然對隱形傳播束手無策，政府咁嘅態度對待疫情，睇怕短期內都唔好旨意確診清零。