政情：港台檢討小組擬改制 觀眾投訴影響升遷

向利君雅開臨時合約惹抗議

據了解，事緣港台日前以未完成通過試用期調查為由，向助理節目主任利君雅開出120日嘅臨時合約，當日晏晝港台員工向管理層抗議有關決定期間，管方透露隸屬商務及經濟發展局嘅港台檢討小組，將會就港台投訴機制作出改動。

消息指，檢討小組打算要求港台，定期將觀眾投訴記錄喺員工嘅個人檔案入面，而將來上司做工作考核時需要考慮埋有關意見，意味觀眾投訴將會對員工嘅升職或續約有直接影響。其實港台嘅問題咁根深柢固，又點會單靠強化投訴機制就可以解決到，分分鐘咪變成鬥人多入意見嘅比賽。