政情：公民講場：只識怪前線犯聚 醫局懶理高官逛街

公營醫院不時爆出醫護人員染疫個案，尋日就有工會成員大吐苦水，話疫情爆發一年以來，醫管局只係識得責怪同事唔戴好裝備、以及同親友聚餐，反問醫管局嘅高層有冇承受過隨時染疫嘅壓力？既然前線醫護要避免同親友聚會以樹立榜樣，點解主事嘅政府高官同朋友逛街，醫管局班高層唔出聲譴責呢？工會成員嘅怒吼，唔知醫管局主席范鴻齡聽唔聽到呢？對前線醫護咁苛刻，會損害士氣o架。