中環出更：賤價賣樓 傳黃之鋒父母離港赴澳洲
前香港眾志秘書長黃之鋒因涉2019年6月包圍灣仔警察總部一案，喺舊年12月2日被判處監禁13個半月，目前於石壁監獄服刑。有消息指，黃之鋒嘅父母同胞弟日前已離港前往澳洲，其父亦以不方便為由拒絕回應事件。
有傳身兼性傾向條例家校關注組召集人的黃之鋒父親黃偉明、母親吳秋媚及胞弟，日前已離港前赴澳洲，惟黃之鋒及其父嘅社交平台並未提及，黃偉明前日則以「不方便」為由拒絕回應傳媒查詢。
李卓人林卓廷紛套現物業
據悉，黃偉明於2007年斥資415萬港元，購入鴨脷洲海怡半島13座一個實用面積約633呎嘅高層單位，去年底則以980萬港元沽出，平均呎價15,482港元，較市價低約一成。
民主派人士近日相繼賣樓，繼支聯會主席李卓人日前被爆突然賤賣美孚新邨單位後，官司纏身嘅民主黨副主席林卓廷近日亦以逾千萬港元，賣出沙田翠湖花園嘅自住物業。林解釋賣樓係為咗套現以應付子女升學同多宗官司，聲言自己絕對唔會離開香港。
卓妮