政情：傾花市食衞局3度甩底 何俊賢促道歉

高佬賢喺貼文話事緣喺上周一同政府會面後，已約定喺上周三再度會面，其後卻一再延至上周五。政府延後兩日會面，佢已感到政府取消年宵嘅後續工作上毫無準備，令花農同檔主無所適從，所以再向政府提出重開年宵嘅意見，同日政府又再致電話希望將會議延至尋日舉行，佢話已再三包容，點知都係冇開到會。

花農檔主進退維谷

佢話近日再有消息指政府考慮重開年宵，但消息仲未確認到，再加上溝通難如登天，已令花農、檔主甚至佢進退維谷，需自謀出路。佢要求政府向公眾公布最終決定，盡快解釋3次延後會議嘅原因同道歉。

食物環境衞生署發言人回覆查詢時話喺防疫抗疫嘅前提下，正考慮合適方案以助花農銷售，又話署方會透過分散人流同壓縮規模來減低聚眾風險。但冇解釋點解3次開會都甩底喎。