政情：葉劉：政府減2%開支 可慳114億紓民困

倡每月派6000元失業救濟金

新民黨主席、議員葉劉淑儀話因政府未能控制疫情，導致百業蕭條，相信農曆新年後失業率將飆升。她認為政府應開源節流，按政府去年預測2021至2022年度嘅經營開支為5,681億，若減少有關開支2%，將節省約114億，而騰出嘅資源可重新分配畀抗疫同復甦經濟。

佢又認為政府要開拓收入來源，香港採用簡單低稅制度，過去開增新稅項嘅選擇少，所以建議上調博彩稅包括將足球比賽投注稅率由50%上調80%。加上現時股市繼續暢旺，建議政府將股票買賣印花稅由0.1%上調至0.5%，相信唔會影響交投量及企業來港上市。

外界批評政府對失業人士支援不足，佢話建制黨派取得共識，認為政府應設立「臨時失業援助計劃」，由今年1月起，為受疫情影響而失業者提供為期半年，每月6,000港元的援助，又指政府表明會研究。至於現時應否全民派錢，佢話政府財政正面對史無前例嘅財赤，強調依家無條件派錢。