按本港法例，機動車輛若未獲有關當局許可，不得進入郊野公園範圍，不過每逢假日，都有越野電單車闖入林村郊野公園並於雞公嶺山頭暴走，轟隆嘅引擎聲浪不但劃破郊野嘅寧靜，部分山坡更遭電單車「刨爛」，遺下滿目胎痕。漁農自然護理署長梁肇輝咪扮睇唔到呀！如果繼續任由雞公嶺成為越野電單車嘅較量場地，唔單止破壞自然，郊遊人士若果被越野電單車撞傷，追究責任就有排煩o架喇！
