近來陸續有巿民收到天價水費單，其中一個個案，係喺過往每季水費僅約十幾蚊，今期竟大幅飆升至千多元！儘管今期水費單係有列出附註，指署方曾暫停例行抄讀水錶及發出水費單，受影響帳戶今期嘅帳單或會涵蓋多過一個用水周期嘅費用，不過估算嘅用水量較往時高出幾十倍，未免太過匪夷所思，到底條數係點計，睇嚟水務署署長盧國華真係要好好解釋喇！
