政情：公民講場：研搞公屋花市 食署本末倒置

因應疫情，政府日前決定取消年宵，但竟然話研究喺公共屋邨賣年花。老實講，政府突然話唔搞年宵，已經令班花農不知所措，而令花農損失亦係不得已嘅決定，之但係若果喺公屋賣花，就會由幾個大型嘅年宵市場變成超過250個遍布港九新界嘅公共屋邨年宵市場，因為樓下就係花市，更加就腳，只會有更加多市民聚集，變成播疫花市。抗疫變播疫，呢個咁嘅想法簡直係本末倒置，究竟食環署署長劉利群個腦諗乜o架？完全捉蟲。