政情：本月初退休 李啟榮難忘諮詢會被擲樽

服務政府35載 見證規劃署誕生

佢話啟德發展項目始於上世紀90年代，當時社會好關心舊機場用地嘅發展，有關嘅規劃圖則經多番修訂，城市規劃委員會（城規會）更曾在諮詢會中收到超過900份反對意見， 亦曾試過有請願人士從海陸空三路前來表達訴求，場面壯觀。

講到古洞北／粉嶺北新發展區項目，佢話最深刻莫過於喺其中一場公眾諮詢會，當時場內有數千人拉起橫額之餘，更有與會者向台上擲水樽。

佢認為儘管好多規劃議題都有爭議，但只要「臉皮厚、高EQ、敢創新」，好好總結經驗，就能夠推動城市不斷演進。佢又話發展項目未必能滿足所有人，但透過法定條例同程序，能夠喺爭議中搵到平衡點，令整個城市步伐向前邁進。

加入政府逾35年嘅佢，參與過多個新發展區的規劃，見證規劃署嘅誕生。佢話喺1985年加入政府任職助理城市規劃師，當時香港的法定規劃圖則只涵蓋好少地方，直至1990年規劃署成立後，政府先加強規劃工作，逐步為地區訂定合適嘅發展規模。