政情：投資騙局苦主求助 張華峰助討公道

接「內幕消息」 買細價股中伏

相信唔少人都試過喺社交媒體或者即時通訊軟件，無故被加入唔同嘅股票投資群組。呢啲群組往往聲稱有內幕消息等「投資貼士」作招徠，仲講到有好多成功嘅例子，令唔少市民信以為真。之不過，呢啲所謂嘅「投資貼士」當然唔會係真，唔少誤信嘅市民都被利誘買入細價股，再被指示喺某個價位散貨，令到一眾散戶損失慘重。

大埔居民聯會尋日就向肥老闆遞交請願信，希望佢可以為一班苦主討回公道。而肥老闆就喺Facebook發文，透露自己將會向證監會、警方商業罪案調查科同廉政公署等發信，促請各監管機構同執法部門徹查事件，查明事件有冇牽涉欺詐或洗黑錢等行為。佢又擔心香港金融業界形象同國際金融中心地位會受到影響，敦促當局要杜絕同類事件再次發生！