政情：斥港教育失敗 陳健波：年輕人中毒極深

易被電子媒體煽動

隨着《港區國安法》實施，社會上出現嘅暴力衝擊大幅減少，但波哥最近拍短片分享，認為並未解決黑暴問題，因為好多人心仲未清醒咁話啊。波哥提到電子媒體興起，徹底改變民眾接收訊息嘅方法，變得更容易被煽動、產生恐懼以致憤怒，而香港人亦深深受到洗腦式煽動而分化，老中青都受到影響，尤其是年輕人因香港嘅教育失誤而「中毒極深」，但相信政府有排先至改變到教育制度。

至於政治方面，波哥話反對派長期利用各種方法，包括司法覆核、拉布同大型社會運動，成功令香港攬炒，令香港嘅競爭力嚴重落後於周邊地區。反對派總辭之後，波哥認為政府應該盡快將香港撥亂反正，包括進行各種法例修訂，處理好房屋、交通、年輕人就業等問題，先可以爭取到市民支持，令香港可以追番失落咗嘅十幾年啊。