針對令人頭痛嘅劏房問題，政府年初設立「劏房租務管制研究小組」，但有代表劏房戶嘅團體不表厚望，認為研究小組最終只會步上6年前長遠房屋策略督導委員會嘅後塵，令租務管制嘅研究不了了之。點解咁悲觀？咪就係研究小組成員當中可以有劏房經營者，反而劏房租戶代表就無法置身其中，咁就難怪會惹人質疑啦。梁永祥作為研究小組主席，真係要考慮一下，成員當中要加入劏房租戶代表，否則好難說服巿民，研究小組係有解決問題嘅誠意。
