政情：公民講場：政府泵水補貼 海洋公園照蝕

海洋公園今年5月獲政府撥款續命一年，尋日終於公布業績，表面上海洋公園雖錄得年度盈餘近廿億元，但扣除政府所發放嘅補貼，實際上反而係倒蝕。業績咁難睇，理由係市場狀況受疫情衝擊而急劇惡化，導致入場人次銳減咁話，之不過疫情未爆發之前，海洋公園都已經連年虧蝕啦。雖然政府拋出「躍動港島南」嘅方案為海洋公園救亡，不過坊間都普遍唔睇好囉。若果海洋公園嘅營運狀況未見起色，商務及經濟發展局局長邱騰華出年又再要求議會泵水，恐怕都難以避免啦。