每年踏入流感高峰期，公立醫院必定踢晒腳，今年當然唔例外，呢幾日好多市民去急症室求診，而多間公院內科病床都已經爆煲嘞！查實年年公院都爆煲，醫院管理局事後次次都話吸取教訓，會做好應急措施，但最後都係倒瀉籮蟹，呢啲問題重複又重複，都係未解決，今年就更加棘手，事關係流感同疫情夾擊，公院醫護人手本來已嚴重短缺，依家病床又冇，醫管局行政總裁高拔陞究竟有冇做好應變措施，係咪想睇住市民有病都冇得醫呀？
