政府鼓勵市民廢物回收，周街都有嘅三色回收箱經常都出現滿瀉嘅現象，搞到廢物回收量大打折扣。環境保護署兩個月前接手公共區域分類回收箱嘅管理工作，當時話要實施一連串嘅改進工作，例如設計新嘅回收箱以提升服務效率。之不過新設計嘅回收箱，竟然要等到2022年先至逐步推出。雖然新設計要先進行實地測試，不過依家周街都係廢物，仲要等多成年先有新回收箱，唔通要等到成街廢物，環境保護署署長鄭美施先會加快動作？
