法庭：女嬰遭焗死案 父願認誤殺

42歲被告張應輝，被控於2018年8月22日在香港謀殺其女兒張嘉雯。

堅稱沒用被及枕頭蓋女兒

被告解釋，當時因為想到妻子「有心粒聲唔出走咗去玩，無諗過帶個女去覆診」，感到非常憤怒所以決定離家「嚇吓」對方。他堅稱沒有用被及枕頭蓋着女兒，聲言：「我諗都無諗過要傷害個BB」，但他亦表示：「因我走咗去，令阿B死咗，係好嚴重罪行，差人話告我誤殺，我承認吖，我願意承擔呢個責任」。

惟控方直指，他為要「出啖氣」，最直接的方法是殺掉妻子最愛惜的女兒。被告就反駁：「梗係唔同意啦，佢都是我個女」，又解釋：「我係想走咗去嚇吓佢（妻子），而非想用阿B嘅死來嚇佢」。而離家時他把女兒側身放在床上，被子是摺好放在一旁，枕頭則放在女兒頭邊，他並預計妻子翌日下午會回家。

至於他曾向妻子發女兒的照片，他否認是想表達這就是她見女兒的最後機會。他坦言，得知女兒死訊時「我個腦一片空白，唔相信個女會死」，當妻子指摘他：「個女死咗呀！你做乜要走咗去呀！我咪話咗會返嚟囉！」他反問：「你唔係已經返咗去咩？個女點解會有事？」妻子則情緒激動表示：「係你害死個女o架，我唔會放過你」。被告認為，他與妻子對女兒的死均有責任：「但我覺得佢好似推晒落我度」。案件編號：HCCC 253/2019