政情：公民講場：宣傳開支高低回報 旅發局要認真檢討

香港雖號稱「盛事之都」，不過都要透過宣傳同推廣，以吸引外國旅客來港參與。早前審計報告就批評，旅遊發展局喺推廣大型活動時，旅客對好多活動嘅認知度同參與度都偏低。旅發局總幹事程鼎一就解釋，指宣傳推廣涉及好多形象工程，未必計算到成效，又形容投放10蚊資源，都未必有10蚊嘅回報，仲話某啲活動要慢慢投資先至見成效咁話。然而本港嘅旅遊業目前已深陷寒冬，到底仲有幾多資源可供消耗，同埋業界又可以捱到幾耐呢？旅發局應該要檢討吓喇。