疫情下，唔少人都希望做公務員拎「鐵飯碗」，尋日就有近萬名大學畢業生應考政府聯合招聘考試（JRE），但有考生因為戴住政府派發嘅「銅芯口罩」，被在場工作人員指唔合規格，要即場換外科口罩先入到場。查實用銅芯口罩嘅市民一直唔多，皆因其外觀同安全問題備受非議，當局甚至建議出入醫院時要戴番外科口罩添。話時話，今次事件反映連政府內部都信唔過自己推出嘅產品，唔怪得當初創新及科技局局長薛永恒講完又講，都唔能夠令市民相信喇！