政府喺近排不斷以財赤高企為由，重申唔會再推出大規模嘅紓困措施，亦唔會有新一輪保就業計劃，但失業嘅大潮冚緊過嚟，點算好？財經事務庫務局局長許正宇就話要講創業，仲賣花讚花香話政府創造咗好多短期職位喎。許正宇都話呢啲係短期職位，工作期完咗，就要去私人市場，試問呢班人若搵唔到工，咪又係失業，政府根本就想用呢啲短期職位嚟紓緩吓失業率，但點會壓得住喎，仲係咁飆升。說穿了，都只不過係玩數字遊戲同語言偽術啫！
