近日唔單止新冠肺炎爆發第4波，又撞正冬季流感季高峰期，好多市民都擔心唔夠流感疫苗。依家正值幼稚園停課，但就有調查發現原來有兩成幼稚園未安排到學生接種流感疫苗，原因唔單止關停課事，仲包括埋醫生未買到足夠疫苗添！其實早排已經有專家呼籲政府將流感疫苗分配畀私家診所，政府之後先後知後覺、急急腳補鑊。今次衞生署被批冇為幼稚園統籌疫苗，唔知作為署長嘅陳漢儀又聽唔聽得入耳呢？
