政情：公民講場：政府防疫舉棋不定 麥美娟促大刀闊斧

政府疫情動用龐大資源兼推行相應措施，如限制巿民嘅社交活動同距離、早前又呼籲巿民參與檢測，近日仲推出埋「安心出行」手機App添，不過隱形傳播鏈就係始終都無法截斷。議員麥美娟援引一項網上調查指，雖然大多數受訪者都贊成全民強制檢測，然而檢測過後巿民就算未有確診，再與人接觸容易造成交叉感染，因此有限度咁限制市民外出活動，有助控制疫情。其實減少人際嘅接觸，幾時都係抗疫嘅最佳方法，可惜主事嘅食物及衞生局局長陳肇始就係唔敢大刀闊斧，睇嚟未有疫苗面世之前，「清零」呢個抗疫目標都好難達到啦。