政情：公民講場：政府冇人撐即跪 一鋪過撤回開位

環球經濟受疫情衝擊，企業紛紛削減人手以求存，不過政府就好似唔知世界艱難，早前向議會提出增加職位嘅要求。目前政府面對財政緊絀，加上經濟前景極不明朗，實在不宜增加長遠開支，咁就難怪「開位」嘅建議，難以獲得議員嘅力撐。由議員陳健波擔任主席嘅財委會，今個月初就喺冇人支持嘅情況下，迫使環境局撤回一項編外職位轉為常額嘅申請。尋日政府似乎知難而退，宣布所有正待審批嘅人事編制建議一律撤回，呢個決定如果早啲作出的話，咁咪可以為議會慳番啲寶貴嘅時間囉。