綠置居項目柴灣蝶翠苑同青衣青富苑，自6月底推售至今，仍有逾千單位未售出，滯銷嘅原因係受疫情影響同因為全部屬於細單位，預計房委會未必會再按原定計劃推售下一期嘅4,000多個綠置居單位。話時話，疫情打擊經濟，好多市民連飯碗都不保，都怕供唔起樓，而綠置居係帶同公屋流轉，若果滯銷，即係又少啲公屋交番出嚟，換言之，輪候公屋嘅時間又會耐咗，運輸及房屋局局長陳帆應該要諗吓辦法點促銷，否則起幾多過渡屋都唔掂呀！
