中環出更：陳維安擔任立會秘書長8年 再獲續約至2024
立法會行政管理委員會早前召開會議，話有好多內務要處理。據悉，會議上已通過同立法會秘書長陳維安續約，任期3年。即係陳會繼續擔任此職至2024年第3季。
曾作具爭議性安排
陳維安喺2012年9月開始出任立法會秘書長，至今已出任同一崗位超過8年，期間經歷2016年立法會宣誓風波，時為青年新政成員游蕙禎同梁頌恆帶同「HONG KONG IS NOT CHINA」標語宣誓，當時負責監誓嘅陳維安話冇權為游蕙禎等人監誓。其後，全國人大常委會就《基本法》有關宣誓條文釋法，最終共有6人因宣誓無效，而被取消立法會議員資格。
另外，香港喺舊年6月爆發反修例風波，內務委員會曾通過向負責審議修訂《逃犯條例》嘅法案委員會發出指引，撤換民主黨議員涂謹申主持職務，改由建制派議員石禮謙負責，立法會秘書處以書面通知方式諮詢議員是否接納指引。但秘書處嘅舉動惹來泛民不滿，泛民要求同陳維安會晤，但最終都見唔到陳。卓妮