公廁嘅衞生狀況，同硬件設計大有關連。政府去年就動用數億公帑去翻新二百多所舊公廁，然而工程進度並唔理想，據講康文署見公廁內嘅踎廁欠缺廁板，沖廁時或會令病毒散播，於是索性關閉踎廁嘅廁格，結果令到公廁嘅可使用率減少兩成。其實要防止沖廁污染環境，為踎廁加設腳踏式廁板咪得囉！康文署行事咁僵化，作為署長嘅劉明光又點做到急市民所急呀？
