樓宇安全，除咗建築物結構要合乎標準，如何管理亦都好重要。然而好多俗稱「三無大廈」嘅舊樓都因為無業主立案法團、無聘用物業管理，同埋無任何形式嘅居民組織，各個單位嘅業主猶如一盤散沙，難以籌集資源以維護或改善樓宇嘅安全設施。本來民政事務總署有責任去推動相關嘅工作，不過負責聯繫業主嘅大廈管理組，有限嘅人手根本無法應付全港數以千計嘅三無大廈，民政事務總署署長謝小華應該要增撥資源喇，好似日前油麻地舊樓火警嘅意外，一宗都嫌多呀！
