政情：公民講場：「安心出行」欠安心 港府難取信於民

為應對疫情，政府推行「安心出行」流動應用程式，鼓勵市民外出記錄行程，但好多市民話因為私隱問題唔會下載，更加有市民鬧政策離地，點解市民咁不安？反映政府講嘢冇人信。老實講，政府上次推行免費病毒檢測，人數咁少，都係因為呢兩個原因，創新及科技局局長薛永恒似乎冇吸取教訓，依然循例出嚟做咗場騷，難道佢唔知市民唔受硬銷呢套？點解佢唔諗吓點樣釋除市民疑慮，而唔係淨係識做騷。